Alaguoddis leat golbma váldodoaimma; guorahallat rihkkosa, mearridit jus ášši galgá čuoččáldahttot dahje ii ja ovdanbuktit duopmostuolus.
Alaguoddi guorahalla rihkkosiid ovttas poliissain. Sus sáhttá dalle leahkit oktavuohta rihkusvávjjejuvvon olbmuin, rihkusoaffariin ja vihtaniiguin ja lea lahka ovttasbargu poliissain.
Go rihkusguorahallan (ovdaguorahallan) lea válmmas, de árvvoštallá alaguoddi jus gávdnojit nuogis duođaštusat čuoččáldahttit ášši duopmostuolus. Jus ii leat nu duođalaš ášši ja vávjjehuvvon dovddasta rihkkosa, de sáhttá alaguoddi ieš mearridit sáhkuid birra, nu gohčoduvvon ráŋggáštanmearrádusa váldit. Dalle ii šatta riektegeavvan.
Jus ášši čuoččáldahtto de šaddá riektegeavvan duopmostuolus. Alaguoddi doibmii gullá duođaštit ahte áššáskuhtton lea rihkkosa čađahan. Son jearuha vávjjehuvvon, vihtaniid ja áššedovdiid duođaštan dihte vávjjehuvvon lea sivalaš.
Riidoášši, iežá sániiguin go guokte oassebeali eai soabat ja ášši manná duopmostullui, ii gieđahallojuvvo alaguoddis.