Bealátkeahtesvuođageatnegasvuohta

Alaguoddi lea geatnegahtton leahkit bealátheapme. Dat mearkkaša ahte alaguoddi ferte leahkit ollát neutrála árvvoštallamis mii lea dáhpáhuvvan ja jus dat sáhttá duođaštuvvot duopmostuolus.

Gáibádus bealátkeahtesvuođa birra mielddisbuktá ahte alaguoddis lea ovddasvástádus guorahallat ja iskat maid dakkáriid mat leat buorrin vávjjehuvvon olbmui.

Jus olmmoš čuoččuha son lea šaddan gierdat rihkkosa, de ferte alaguoddi ovdamearkka dihte geahččat bearrái ahte muitalusa jáhkehahttivuohta dárkkistuvvo. Jus ledje vihtanat sajis rihkkosa oktavuođas, de lea dehálaš ahte nu ollus dain go vejolaš jearuhuvvojit vai sáhttá oažžut nu duohta gova go vejolaš das mii lea dáhpáhuvvan. Teknihkalaš duođaštus ferte dieđusge leat vižžon ja guorahallon njuolga ja sihkkaris vuogi mielde.

Alaguoddi ferte leahkit objektiivvalaš maid dalle go son lea čuoččáldahttán ášši. Riektegeavvamis gullá gal dieđusge alaguoddi doibmii duođaštit ahte rihkus lea čađahuvvon, muhto jus boađášii ovdan juoga mii rievdada duođaštandili, de ferte alaguoddi váldit vuhtii dan.