Go poliisa oažžu dieđu rihkkosa birra, de álggahuvvo ovdaguorahallan. Ovdaguorahallan lea iežá sátni rihkusguorahallamii.
Ulbmil lea guorahallat gii sáhttá vávjjehuvvot rihkkosa ovddas ja jus gávdnojit nuogis ollu duođaštusat čuoččáldahttit ášši. Alaguoddi jođiha ovdaguorahallama dan rájis go muhtin olmmoš áššálaččat sáhttá vávjjehuvvot rihkkosa ovddas. Unnit duođaleabbut rihkkosiid oktavuođas čađaha poliisa ovdaguorahallama álggu rájis gitta lohppii.
Ovdaguorahallanjođiheaddjin lea alaguoddis ovddasvástádus ahte rihkus guorahallojuvvo buoremus vejolaš lági mielde. Guorahallan čađahuvvo poliissas alaguoddi rávvagiid mielde. Alaguoddi čuovvu guorahallama oktilassii ja veardida olles áiggi makkár guorahallandoaibmabidjosat ja mearrádusat gáibiduvvojit. Go guorahallan guoská roaves ja váttes rihkusvuhtii, de oassálastá dávjá alaguoddi njuolga guorahallamis nugo rihkkosa rekonstrukšuvnnas dahje dehálaš jearahallamiin.
Got ovdaguorahallan lagabut čađahuvvo, vuolgá dieđusge ollu das makkár soarttat rihkus guorahallojuvvo. Maŋŋel veahkaválderihkkosa sáhttá poliisa čađahit veahkaváldesadjeguorahallama ja jearuhit rihkusoaffara, vihtaniid ja vávjjehuvvon olbmu.
Ovdaguorahallanjođiheaddji sáhttá mearridit bággendoaibmabidjosiid birra, ovdamearkka dihte rihkussaji giddemis, viessodutkamis dahje duođaštangálvvuid duogušteamis.