Dehálaš oassi alaguoddi barggus lea válbmen ja ovdanbuktin rievttis (duopmostuolus).
Eanas alaguoddit leat rievttis ovtta dahje guokte beaivvi vahkus.
Alaguoddi mearrádus ášši čuoččáldahttit ja alaguoddi čilgehus rihkkosa birra maid son dalle dahkká, bidjá rámmaid veahkaváldeprosessii.
Riektegeavvamis lea alaguoddis rolla oassebeallin áššis. Alaguoddi čuoččuha riektegeavvamis ahte muhtin olmmoš lea muhtinlágán rihkkosa čađahan, maŋŋel mearrida duopmostuollu jus ášši lea nu.
Alaguoddi doaibma duopmostuolus lea duođaštit ahte rihkus lea čađahuvvon. Jus vávjjehuvvon gieldá rihkkosa, de ferte alaguoddi buktit nu ollu duođaštusaid ahte oaivvilduvvo duođaštuvvon govttolaš eahpádusaid haga ahte dat mii čuoččuhuvvo duođas lea dáhpáhuvvan. Muhto alaguoddi ferte leahkit objektiivvalaš ja maid čilget daid mat leat buorrin vávjjehuvvon olbmui.
Jus riektegeavvamis bohtet ovdan ođđa dieđut mat rievdadit ášši, de sáhttá alaguoddi dárbbašit dahkat ođđa árvvoštallama ášši čuoččáldahttima birra. Čuoččáldahtton ášši sáhttá muhtin spiehkastagaiguin heaittihuvvot riektegeavvamis mii lea jođus.
Alaguoddis lea hui doaimmalaš rolla duopmostuolus.