Vuoigatvuođalágádus bargá ovttaskasa dorvvolašvuođa ja sihkkarvuođa ovddas. Ulbmil lea unnidit rihkolašvuođa ja lasihit olbmuid dorvvolašvuođa.
Vuoigatvuođalágádusa ovddasvástádussii gullá earret iežá eastadit ja guorahallat rihkkosiid, mearriditlágalaš doaibmabidjosiid olbmuid ektui, doaimmahit dubmejuvvon čuovvumušaid ja gozihit rihkusoaffariid vuoigatvuođaid. Vuoigatvuođalágádusain oaivvilduvvojit Poliisa, Alaguoddeeiseváldi, Riektedálkkasdoaimmahat, Ekorihkuseiseváldi, Kriminaldikšu, Ruoŧa Duopmostuolut Duopmostuollolágádus ja Rihkuseastadeaddji ráđđi ja Rihkusoaffareiseváldi.
Vuoigatvuođadepartemeanta ovddasvástida Ráđđehusčállingottis earret iežá vuoigatvuođalágádusa eiseválddiid ovddas ja láhkaásaheamis siviilarievttis, stáhtarievttis, proseassarievttis ja ráŋggaštusrievttis. Ráđđehusa webbasajis gávdno diehtojuohkin ráđđehusa politihka ja mearrádusaid birra ja maid proposišuvnnat, guorahallansmiehttámušat jna.
Loga eanet eiseválddiid birra mat gávdnojit vuoigatvuođalágádusas liŋkka bokte olgeš bealde. Olgeš bealde gávdno maid liŋka dieđihančállosii “Ruoŧa vuoigatvuođalágádus – oanehis introdukšuvdna”, man Vuoigatvuođadepartemeanta lea almmuhan.