Rihkkosa vásihit lea dávjá surgat ja balddonas ja muhtin rihkusoaffarat sáhttet dárbbašit doarjaga sáhttit gieđahallat riekteproseassa. Vuoigatvuođalágádusas lea geatnegasvuohta sierra ládje doarjut daid geat rihkkosa girdet.
Ovdaguorahallamis (rihkusguorahallamis) galgá alaguoddi váldit vuhtii dan mii daddjo vávjjehuvvon olbmo vuoste ja buorrin. Alaguoddi ferte dainna leahkit sihke bealátheapme ja objektiivvalaš.
Seammas go alaguoddi galgá leahkit objektiivvalaš, de lea rihkusoaffaris muhtumin dárbu doarjagii alaguoddis. Dán sáhttá muhtumin leahkit váttis ovttastahttit. Muhto ii sáhte daddjot rihkkut gáibádusa vuoste bealátkeahtesvuođa birra go alaguoddi guođđá diehtojuohkima almmolaš hámis, earret iežá go muitala got riektegeavvan čađahuvvo. Muhto alaguoddi ii oačču o.m.d. ságastallat rihkusoaffariin dan birra maid son galgá lohkat jearahallamis duopmostuolus.