Go rihkus lea čađahuvvon, de dat guorahallojuvvo ovdaguorahallanjođiheaddjis. Ovdaguorahallanjođiheaddji mearrida jus olmmoš lea vávjjehuvvon rihkkosa ovddas.
Almmolaš bealušteaddji
Vávjjehuvvon olmmožin lea muhtumin riekti oažžut almmolaš bealušteaddji. Dan sáhttá oažžut juo ovdaguorahallamis dahje vejolaš riektegeavvama rádjái.
Riekti almmolaš bealušteaddjái lea jus gávdno dárbu rihkkosa guorahallama geažil, jus riskere iežá čuovvumuša go sáhkuid dahje evttolaš duomu dahje jus gávdnojit sierra ákkat ášši dahje persovnnalaš dilálašvuođaid dihte.
Jus hálida almmolaš bealušteaddji ovdaguorahallamii, de galgá váldit oktavuođa alaguddiin, gii lea ovdaguorahallanjođiheaddji stuorit rihkkosiid oktavuođas.
Alaguoddi boktá jearaldaga duopmostuolus. Das maŋŋel duopmostuollu mearrida almmolaš bealušteaddji birra. Jus ášši juo lea čuoččáldahttojuvvon, de sáhttá njuolga duopmostuoluin oktavuođa váldit jus galgá almmolaš bealušteaddji oažžut riektegeavvamii.
Riektegeavvamis mearrida duopmostuollu man stuorra oasi goluin bealušteaddji ovddas vávjjehuvvon ieš galgá máksit.
Loahppadiehtunaddin
Go ovdaguorahallan lea válmmas, de oažžu rihkkosa vávjjehuvvon diehtojuohkima dan birra. Vávjjehuvvon olbmos lea riekti váldit oasi visot materiálas ja jus son hálida, de sáhttá gáibidit ahte poliisa galgá čađahit eanet guorahallandoaibmabidjosiid, ovdamearkka dihte jearuhit eanet vihtaniid.
Ovdaguorahallanjođiheaddji mearrida jus dát doaibmabidjosat galget čađahuvvot. Jus eai leat ovttaoaivilis, de sáhttá duopmostuollu ášši geahččalit.