Ko esitutkimus oon valmis, syyttäjä häätyy päättää nostaako hän syytheen vai ei.
Jos syyttäjä objektiivisilla perustheila arvioittee ette hällä oon tarpheeksi totistuksia siittä ette rikos oon tehty, syyttäjä häätyy nostaa syytheen. Ennen päätöstä häätyy harkita monta asiaa.
Jos syyte nostethaan, se oon syyttäjän tehtävä totistaa tuomioistuimelle ette rikos oon tehty.
Ei syytettä
Jos siihen ei ole tarpheeksi totistuksia ette rikos oon tehty, syytettä ei saateta nostaa. Se saattaa johtua siittä ette syytetty kieltää ja ette ei ole totistajia eli teknisiä totistuksia/viisiä joka sittoo eppäiltyn rikoksheen. Joskus se oon selvä jo esitutkimuksen aikana ette rikosta ei saateta näyttää totheen. Silloin syyttäjä päättää lopettaa esitutkimuksen.
Semmonen päätös tarkottaa sitä ette syytettä ei nosteta.
Kummalekki semmoselle päätökselle jällaa, ette esitutkimus saatethaan taas alottaa jos rikoksesta tullee framile uusia tietoja.
Sille jota vasthaan rikos oon tehty, asianomistaja (målsäganden), ilmotethaan aina minkä päätöksen syyttäjä oon tehny.