Objektiviteetti-velvolisuus

Syyttäjän häätyy olla objektiivi. Se tarkottaa ette syyttäjä häätyy olla kokohnaan neytraali ko hän arvioittee mitä oon tapahtunnu ja jos sitä saattaa tuomioistuimessa totistaa.

 
Tästä objektiviteetin vaatimuksesta seuraa ette syyttäjällä oon vastuu selvittää ja tutkia semmostaki joka puhhuu eppäiltyn puolesta.

Jos joku ihminen sannoo ette häntä kohthaan oon tehty rikos, syyttäjä häätyy esim. pittää huolen siittä ette tarkastethaan kuinka uskottava se kertomus oon. Jos rikospaikala oon ollu totistajia, oon tärkeää ette niin monta ko maholista heistä kuulostelhaan niin ette saapi kokohnaiskuvan siittä mitä oon tapahtunnu. Teknisiä viisiä häätyy tietenki kans hankkia ja net häätyy tutkia kunnola ja varmala tavala.

Syyttäjä häätyy olla objektiivi senki jälkhiin ko hän oon nostanu syytheen. Oikeuenkäynin aikana se kyllä oon syyttäjän tehtävä totistaa ette rikos oon tehty, mutta jos jotaki tulis framile joka muuttaa totistus-tilanetta, syyttäjä häätyy ottaa sen huomihoon.